LEERS GENEALOGIE

C’est le rapport et dénombrement que Je, Jehan DU HAMEL laboureur demeurant en la paroisse de Lers fay à hault et puissant Seigneur Pierre Seigneur DE WERCHIN Séneschal de Haynault, Premier Ber de Flandres, Baron de Chisoing, Seigneur de Roubais, Conseiller et Chambellan de l’Empereur notre Sire et Chevalier de son Ordre ; des deux parties d’héritaiges de main ferme gisans en la dite paroisse de Lers  et tenues de mondit Seigneur de sa Seigneurie et Eschevinaige du Quesnoit appendence de la dite baronnie de Chisoing qui s’enssieult. Premiers cincq cens de terre venant par Estiennette GLORIEUX ma femme et par avant de Anthoine NEVE, gisant entre le Papinerie et rel..becq par .. en VI cens que les hoirs Anthoinnette HUBAULT, tenant d’un costé à l’héritaige Bernart DE LESCLUZE, d’aultre à l’héritaige Quentin DU PRET et à Willaume MULLIER, chergié chacun an de rente fonssière et seigneurial vers la dite Seigneurie au terme de Noël de deux quartiers et demy de chappon ; et six cens trois quartrons de terre à labeur venant comme dessus cy devant en deux pièches et à présent en une, tenant au petit gardin de le Papinerie, à l’héritaige Bernart DELESCLUZE de deux sens, à l’héritaige Jehan REGNARRE chirurgien et les hoirs Clément « OUDOUAIRE », lesquelz doivent aussy chacun an de « payet » rente au dite terre
quinze deniers m…lle ; à la charge aussy du dixiesme denier à la vente, donne ou transport et pour relief à la mort de l’héritier à l’advenant de vingt solz du bonnier, des ……  gne.. trois fois l’an aux termes accoustumez et suive en court quant le cas y eschet sa…. le plus ou moings se… y est.. Par le tesmoing duquel rapport scellet de mon scel le XXIIIIème d’octobre XVC LIII.