LEERS GENEALOGIE

Recoeuil et loyer des rendaiges et revenus des maisons, jardins, bois, terres à labeur et aultres héritaiges tenus de la Seigneurie du Troncquoy gisantz en la paroisse de Lys, Baillyaige du tournesys,
faict pour le recouvrement du XXème denier.

Page 2

Liste que font et dressent Baltazart DU BOIS, Michiel DU THOIT, Anthoine LEZY, Pierre DU BUS, Jehan et Pierre FRANCHOMME père et filz, Juges cottiers de la terre et Seigeurie du Troncquoy gisant en la paroisse de Lys, Baillyaige du tournésys pour le recouvrement du XXème deniers, des revenuz des biens et héritaiges appertenants aux propriétaires, usufructiers, censsiers et louwagiers d’icelle accordez à leurs Altèzes et les Estatz du dict Baillaige en l’an mil syx cens (ung).

S’enssieult la déclaration des maisons, jardins, bois et terres à labeur occupez à tiltre de censse, ferme et louwaiges, ensamble des propriétaires, avecq les noms et soubz noms d’iceulx, avecq l’évaluation et rendaige annuel par eulx rendus, tant en argent comme aultrement, signamment pour le XXème denier. Le tout réduict à monnoye de flandres, assacvoir vingt gros pour la livre et XII deniers pour le gros.

Premiers.

Monseigneur le Prince d’Orange, Conte de Bueren, Seigneur de Lannoy tient en sa demainne douze bonniers de plat bois à luy appertenant, lequel poeult valloir chacun an deux cens soixante livres parisis, que porteroit pour le XXème denier icy : XIII £.

Baltazart DU BOIS tient et at à luy appertenant X cens demy de gardin et V cens de terre à labeur, lesquelz peulvent valloir en rendaige annuel XLV £ parisis comme ilz ont affirmé par « sinent », que porteroit pour le XXème : XLX Sols.

Ledict DU BOIS tient à tiltre de censse II cens et demy de terre à labeur et gardin, lequel en rend annuellement VIII £ parisis que porteroit pour le XXème : VIII Sols.

Jehan FRANCHOMME at à luy appertenant VIII cens de lieu masnoir et gardin, lequel poeult valloir en rendaige annuel XXVI £ parisis que porteroit pour ledict XXème : XXVI Sols.

Page 3

Jacques DE LATTRE at à luy appertenant VII cens de lieu masnoir, lequel poeult valloir en rendaige annuel XXI £ parisis que porteroit pour le XXème denier : XXI sols.

Jenne DU BOIS vefve de feu Philippes DESBARBIEUX at à elle appertenant ung lieu masnoir contenant tant en gardinaige que terre à labeur III cens, lequel poeult valloir par an X £ parisis que porteroit pour le XXème denier : X Sols.

Michiel DU THOIT at à luy appertenant ung lieu masnoir contenant VI cens et demy, lequel poeult valloir en rendaige annuel comme les voisins la somme de XX £ parisis portant pour le XXème denier : XX sols.    

Anthoine LEZY tient en censse V cens et demy de lieu masnoir et gardin au rendaige annuel de XVI £ parisis X sols que porteroit pour le XXème denier : XVI sols VI deniers.

Anthoine RYS at ung quartron de gardin à luy appertenant, lequel poeult valloir chaque an XV sols que porteroit pour le XXème denier : IX deniers.

Pierre DU BUS at à luy appertenant ung lieu masnoir contenant XII cens lequel poeult valloir chacun an XXXVIII £ parisis, que porteroit pour le XXème denier : XXXVIII sols.

Jehan MULLIER occupe à tiltre de censse ung lieu masnoir contenant XXII cens, lequel poeult valloir et en rend chacun an tant pour le gardin que labeur LX £ X Sols que porteroit à LX sols le cent, icy pour le XXème denier : LX sols VI deniers.

Page 4

Pierre FRANCHOMME at à luy appertenant II cens de lieu masnoir quy poeult valloir par an VI £ parisis, seroit pour le XXème : VI sols.

Evrard ERNEQUIN tient et occupe ung lieu masnoir contenant VIII cens dont les deux tiers sont à luy appertenant et l’aultre tierch il le tient en censse, ce que poeult valloir chacun an XXIIII £ que seroit pour le XXème denier : XXIIII sols parisis.

Anthoine MULLIER at à luy appertenant VI cens de gardin quy poeult valloir annuellement XVI £ X sols que porteroit pour le XXème denier : XVI sols VI deniers.

Anthoine CARPENTIER at à luy appertenant VIII cens de terre à labeur vaillables XVI £ parisis chacun an, faisant pour le XXème denier : XVI sols.

Adam DE LATTRE at à luy appertenant demy bonnier de gardinaige et lieu masnoir, lequel poeult valloir XXIIII £ parisis chacun an que seroit pour le XXème denier : XXIIII sols.

Mathieu DE LATTRE at à luy appertenant VI cens de lieu masnoir, lequel poeult valloir par an XVIII £ que porteroit pour le XXème denier : XVIII sols.

Ollivier DE LATTRE at à luy appertenant X cens de lieu masnoir lequel poeult valloir par an XXX £ parisis que seroit pour le XXème denier : XXX sols.

Tottale somme en XXème denier, porte : XXXII £ III deniers parisis.

Ce présent cayer at esté faict et dressé par les

Page 5

dessus nommez le plus justement et équitablement que possible leur a testé par le tesmoing de leurs seings manuels icy mis. Présent aussy Rolland DE LA HAYE Bailly de ladicte Seigneurie du Troncquoy aussy soubsigné ce XVème de janvier mil syx cens et ung.

Suivent les signatures :

Rolland DE LA HAYE

Baltasar DU BOIS

Anthoine LEZY

Et les marques :         

Michiel DU THOIT

Jehan FRANCHOMME

Pierre FRANCHOMME